ASÍ CELEBRARON O DÍA DO LIBRO OS/AS NENOS/AS DE TRES ANOS.

     O 23 de abril foi o Día do libro e os/as  nenos/as de 3 anos celebrámolo por todo   o alto. Lemos libros na aula, fixemos coa axuda das nosas familias dous libros de contos tradicionais, coloreamos os marcapáxinas de Botalerias,... e o máis especial! Os contacontos das nosas mamis e papis na biblioteca do centro:  moitas grazas a mamá de Bruno, a mamá de David, a mamá de Nuria, a mamá Érika, a mamá de Mauro, a mamá de Hugo e os papás de Xabi Regos.

 

 

 

 

50 ANOS CON MAFALDA

 

Quino, o creador de Mafalda, foi galardoado o mércores 21 de maio co Premio Príncipe de Asturias de Comunicación e Humanidades 2014.

 Este premio chégalle a Quino o mesmo ano no que se celebra o 50 aniversario da creación deste popular cómic.

LETRAS GALEGAS 2014

O vindeiro 17 de maio celébrase o Día das Letras Galegas. Este ano o Homenaxeado é

 Xosé María Díaz Castro  (1914 – 1989), poeta orixinario de Os Vilares de Parga, Guitiriz ( Lugo). 

Podes ver aquí un conto editado polo colectivo Fabaloba.

“O neno e a estrela” é un relato ilustrado creado a partir dalgunhas das temáticas do libro de poemas “Nimbos” de Xosé María Díaz Castro. O protagonista da historia é Díaz Castro cando neno, que debe asumir a tarefa da devolver unha estrela ao seu lugar no universo.

(Fai clic na imaxe para poder  ler o libro)

Enlaces de interés:

1. Fai clic no seguinte enlace se queres saber máis da súa vida.

 

http://www.poetadiazcastro.com/plantilla.asp?id=16

 

2. “Penélope” o poema máis coñecido de Díaz Castro, vídeo que nos ofrece  As Barxas.


                                              

1. 3. Fas clic para acceder ás actividades que propón o Seminario Galán.

• Actividades sobre a vida e obra para Educación Infantil.
• Actividades sobre a vida e obra para 1º Ciclo.
• Actividades sobre a vida e obra para 2º Ciclo.
• Actividades sobre a vida e obra para 3º Ciclo.

Pasapalabrasobre a figura de Díaz Castro, pon a proba os teuscoñecementos, tamén doCeip A Ponte de Lugo

CELEBRACIÓN DOS MAIOS NA SEMANA DAS LETRAS

Dende o 12 ao 16 de maio non CEIP Castelao de Ordes celebramos a festa dos Maios.Durante esta semana decoramos os nosos Maios con fiuncho, flores, ovos vacíos, colares de laranxas... Divertímonos moito! 
E como non podía faltar nunha celebración dos Maios, cantamos coplas e cancións ao seu arredor!

CONTO MUSICADO DE 3ºC

O día 16 de maio os nenos e as nenas de 3º C agasallaron ao segundo ciclo cun conto musicado para celebrar as nosas Letras:

 

E para rematar a mañá cantamos todos a canción "Esa lus", adicada a Xosé María Díaz Castro, con fragmentos dos seus versos, proposta polo Ies. Poeta Díaz Castro de Melide.

MARCA PÁXINAS DE BOTALERIAS

 

Como xa anunciamos na entrada anterior aquí están algúns

 dos marca páxinas que fixeron os/as nenos/as do cole. 

 

 

 

 

 

“Se queres aventura, lánzate a lectura”.

23 DE ABRIL DÍA DO LIBRO.

 

O 23 de abril de cada ano, dende 1976, e coincidindo coa celebración do Día do Libro, fállase o Premio Cervantes.

Este ano dito premio recoñece o labor literario de Elena Poniatowska .Coñecida como a rebelde 'Princesa Roja', Poniatowska  é unha  das voces máis poderosas da literatura en español da actualidade.

A autora de “ La piel del cielo” recibe o recoñecemento maís importante das letras hispanas pola súa “brillante” traxectoria literaria e unha dedicación “exemplar” ao periodismo sempre dende un firme compromiso coa historia contemporánea”, segundo o      fallo do galardón.

Dende a biblioteca pensamos que sería unha boa forma de

 celebrar o  Día do libro facendo un marca páxinas coa nosa

 mascota, Botalerias.

"Aprende a viaxar nun libro e descubrirás un amigo".
 

 

VISITA DE JACOBO FERNÁNDEZ SERRANO

Os/as nen@s de 1º ciclo de primaria recibiron  a visita de Jacobo Fernández Serrano DEBUXANTESCRITOR EN CÓMICS, LIBROS E CADROS.

Nas aulas leron os seus cómics:

·       MARCOPOLA, A ILLA REMEIRA. 1. As orixes de Marcopola.

 

MARCOPOLA, antes de chamarse Marcopola, era unha illa illada no medio do océano, e aburríase moito. Todo cambiou aquela mañá en que un estraño obxecto apareceu na súa praia. Que sería esa cousa tan rara? Para que serviría? Marcopola. A illa remeira é o inicio dunha serie de cómic para os primeiros lectores que seguirá coa publicación de Marcopola e os piratas da Lúa!

 

·       MARCOPOLA, A ILLA REMEIRA. 2. Os Piratas da Lúa.

Nesta nova aventura MARCOPOLA e LIBRO coñecen os Piratas da Lúa, unha estrafalaria banda de mariños nocturnos moi amigos da festa rachada. Xuntos pasarano de marabilla, mais tamén haberán de enfrontarse ao malvado Almirante Cobreguiña e á súa desapiadada tripulación.

 

Durante a visita charlar Jacobo Fernández Serrano falou c@s nen@s, debuxou  e firmoulle os libros.

 
 
 

ACTIVIDADES DA SEMANA DA PRENSA

   A  pasada semana celebramos  a semana da prensa na escola realizando moitas e diversas actividades nas aulas. Esta semana os alumnos de I ciclo reciclaron o papel dos xornais  vellos dun xeito moi especial.

 

 

Primeiro  investigaron   diferentes sons que  se poden escoitar empregando unha simple folla de xornal. Escoitaron como sona  un papel cando o sacudimos, o fretamos, o engurramos,o estiramos, o rachamos...

 

 

Despois inventaron símbolos escritos para cada un dos sons e os organizaron creando unha partitura moi particular.

 

 

 

A continuación aprenderon unha breve retahila   sobre o papel  e finalmente interpretaron o “Rondó do papel” con diversos ritmos empregando as follas de papel como instrumento musical.