Contacontos Soledad Felloza

A CONTACONTOS SOLEDAD FELLOZA VISITA O NOSO COLE

O venres 13 de xuño de 2014 o alumnado de 2º ciclo de primaria recibiu  a visita da contacontos Soledad Felloza.

Soledad Felloza é unha recoñecida contacontos de orixe uruguaio. Participou en festivais de Chile , Uruguay, Arxentina, Bolivia, Venezuela, Holanda, Italia, Portugal ou España.  E ten editado contos como  "De Tin Marín".

Mais Soledad é tamén dramaturga, fotógrafa e actriz e dirixe obradoiros de expresión, teatro e narración en colexios, escolas e bibliotecas de Uruguay, Arxentina, Venezuela ou España. Traballa tamén en programas de radio e televisión.

O venres 18 de xuño contounos varios contos e mesmo nos dou algún consello ben interesante, como por exemplo como  sacarlle un sorriso á nosa mamá cando está malhumorada.

VISITA DO ESCRITOR MANUEL RIVAS

VISITA DO ESCRITOR MANUEL RIVAS

O martes 3 de xuño de 2014 os nenos e as nenas do 2º ciclo recibiron unha visita moi especial, Manuel Rivas, o famoso escritor galego autor de libros tan coñecidos como  Que me queres amor,  O lapis do carpinteiro,  Os libros arden mal, Todo é silencio, En salvaxe compaña,  Bala Perdida....

Nesta ocasión Manuel Rivas agasallounos cunha representación musicada do seu conto  O raposo e a mestra e contou coa colaboración especial de César,  un músico encargado de trasladarnos á historia cos sons dos seus instrumentos.

Manuel interpretou a Pindo, un raposo con ollos de lanterna que enfeitizaba ata ao can máis fero. Pindo soubo a través do seu amigo Serafín que había unha nova mestra na vila, Rosa, que tiña un galiñeiro fantástico. Pindo non o dubidou e as galiñas de Rosa convertíronse no seu próximo obxectivo , mais esta non llo poría nada fácil...

Manuel Rivas explicounos que a elección do nome de Pindo  para o raposo foi en honra ao Monte Pindo, recentemente queimado.

Ao rematar, Manuel Rivas asinou os nosos libros e conversou cos nenos e as nenas.

VISITA DE JESÚS ASOREY A CLASE DE 5 ANOS B

Os/as nenos e nenas de 5 anos B, xunto coa súa mestra Nelly, iniciáronse nun proxecto que tiña como fin coñecer un pouco mellor o mundo das abellas. O porqué deste proxecto non é máis que coñecer un pouco máis Pepa a súa mascota.

Na aula fixeron  traballos que lles axudou a coñecer un pouco máis o mundo das abellas. Fai clic na imaxe para ver unha pequena mostra do seu traballo …

Quixeron que este proxecto chegase ás familias. Así coas achegas  das familias e nós ambientamos a aula.

No mes de abril, grazas á colaboración coas familias recibimos a visita de Suso Asorey que no ano 2004, fundou “A casa das abellas”, centro de visitantes, dedicado a salientar o imprescindible labor ambiental das abellas e o valor dos seus extraordinarios produtos.

Tamén é o autor de “Historia dunha pinga de mel, da flor á mesa” e o libro “A marabillosa historia da abella Apolinaria”. Fai clic na imaxe para acceder "A casa das abellas"

Unha maleta cheíña de abellas foi a forma na que Suso quixo empezar esta charla cos neno/as. Nela puideron ver a raíña, os zánganos e as obreiras.

·        Sabedes…..

 

Quen vive na colmea?

 

Como se alimenta a raíña? Cal é o seu traballo?

As abellas teñen dous estómagos?

Os nenos fixeron unha vela ….

E remataron probando o mel …

No quixemos que marchasen sen  que levase un pequeno recordo dos nenos/as e a profe.

GRAZAS POLA VISITA E ATA PRONTO!

ASÍ CELEBRARON O DÍA DO LIBRO OS/AS NENOS/AS DE TRES ANOS.

     O 23 de abril foi o Día do libro e os/as  nenos/as de 3 anos celebrámolo por todo   o alto. Lemos libros na aula, fixemos coa axuda das nosas familias dous libros de contos tradicionais, coloreamos os marcapáxinas de Botalerias,... e o máis especial! Os contacontos das nosas mamis e papis na biblioteca do centro:  moitas grazas a mamá de Bruno, a mamá de David, a mamá de Nuria, a mamá Érika, a mamá de Mauro, a mamá de Hugo e os papás de Xabi Regos.

 

 

 

 

50 ANOS CON MAFALDA

 

Quino, o creador de Mafalda, foi galardoado o mércores 21 de maio co Premio Príncipe de Asturias de Comunicación e Humanidades 2014.

 Este premio chégalle a Quino o mesmo ano no que se celebra o 50 aniversario da creación deste popular cómic.

LETRAS GALEGAS 2014

O vindeiro 17 de maio celébrase o Día das Letras Galegas. Este ano o Homenaxeado é

 Xosé María Díaz Castro  (1914 – 1989), poeta orixinario de Os Vilares de Parga, Guitiriz ( Lugo). 

Podes ver aquí un conto editado polo colectivo Fabaloba.

“O neno e a estrela” é un relato ilustrado creado a partir dalgunhas das temáticas do libro de poemas “Nimbos” de Xosé María Díaz Castro. O protagonista da historia é Díaz Castro cando neno, que debe asumir a tarefa da devolver unha estrela ao seu lugar no universo.

(Fai clic na imaxe para poder  ler o libro)

Enlaces de interés:

1. Fai clic no seguinte enlace se queres saber máis da súa vida.

 

http://www.poetadiazcastro.com/plantilla.asp?id=16

 

2. “Penélope” o poema máis coñecido de Díaz Castro, vídeo que nos ofrece  As Barxas.


                                              

1. 3. Fas clic para acceder ás actividades que propón o Seminario Galán.

• Actividades sobre a vida e obra para Educación Infantil.
• Actividades sobre a vida e obra para 1º Ciclo.
• Actividades sobre a vida e obra para 2º Ciclo.
• Actividades sobre a vida e obra para 3º Ciclo.

Pasapalabrasobre a figura de Díaz Castro, pon a proba os teuscoñecementos, tamén doCeip A Ponte de Lugo

CELEBRACIÓN DOS MAIOS NA SEMANA DAS LETRAS

Dende o 12 ao 16 de maio non CEIP Castelao de Ordes celebramos a festa dos Maios.Durante esta semana decoramos os nosos Maios con fiuncho, flores, ovos vacíos, colares de laranxas... Divertímonos moito! 
E como non podía faltar nunha celebración dos Maios, cantamos coplas e cancións ao seu arredor!

CONTO MUSICADO DE 3ºC

O día 16 de maio os nenos e as nenas de 3º C agasallaron ao segundo ciclo cun conto musicado para celebrar as nosas Letras:

 

E para rematar a mañá cantamos todos a canción "Esa lus", adicada a Xosé María Díaz Castro, con fragmentos dos seus versos, proposta polo Ies. Poeta Díaz Castro de Melide.

MARCA PÁXINAS DE BOTALERIAS

 

Como xa anunciamos na entrada anterior aquí están algúns

 dos marca páxinas que fixeron os/as nenos/as do cole. 

 

 

 

 

 

“Se queres aventura, lánzate a lectura”.